လိင်ပိုင်းဆိုင်ရာ ကျန်းမာရေးနှင့် အစားအစာများ

အစားအစာများသည် လူတို့၏ ခန္ဓာကိုယ်ကျန်းမာရေးနှင့် စိတ်ပိုင်းဆိုင်ရာ ကျန်းမာရေးအပေါ် လွှမ်းမိုးမှုရှိသည်။ လိင်ပိုင်းဆိုင်ရာ ကျန်းမာရေးမှာလည်း အစားအစာနှင့် ဆက်နွယ်ပတ်သက်မှုရှိကြောင်း တွေ့ရသည်။ တချို့အစားအစာများသည် လိင်ပိုင်းဆိုင်ရာကျန်းမာရေးကို အထောက်အကူဖြစ်စေပြီး တချို့မှာ အနှောင့်အယှက် အဟန့်အတား ဖြစ်စေနိူင်သည်။

အခွံမာသီးနှင့် အစေ့များ
အခွံမာသီးနှင့် အစေ့များတွင် ကစီဓာတ်အပြင် အမျှင်ဓာတ်များ ကြွယ်ဝစွာ ပါဝင်သည်။ နှလုံးကျန်းမာရေးကို ကောင်းမွန်စေနိူင်သည်။ လိင်ပိုင်းဆိုင်ရာ ကျန်းမာရေးကို အထောက်အကူ ဖြစ်စေသည်။ လိင်ပိုင်းဆိုင်ရာ အားနည်းသူများ အခွံမာသီးများနှင့် အစေ့များကို ပိုမိုစားသုံးသင့်သည်။

ပဲပုပ်
ပဲပုပ်နှင့် ပဲပုပ်မှထုတ်လုပ်သော အစားအစာများသည် အထွေထွေ ကျန်းမာရေးကို အားပေးကူညီနိူင်ပါကြောင်း အားလုံးသိထားတာကြပြီး ဖြစ်သည်။ လိင်ပိုင်းဆိုင်ရာ ကျန်းမာရေးအတွက်လည်း        ပဲပုပ်နှင့် ပဲပုပ်မှ ထုတ်လုပ်သော အစားအစာများ စားသုံးသင့်သည်ဟု ဆိုပါသည်။ ပဲပုပ်စေ့တွင် အဆီဓာတ်နည်းပြီး ပရိုတင်း၊ အမှျှင်ဓာတ်၊ သံဓာတ်၊ ဗီတာမင်များနှင့် သတ္တုဓာတ်များ ကြွယ်ဝစွာ ပါဝင်သည်။ အမျိုးသမီးဟော်မုန်း အီစထရိုဂျင်ကဲ့သို့ အာနိသင်ရှိသော Phytoestrogens များပါသဖြင့် မီးယပ်သွေးဆုံးဝေဒနာများကို သက်သာစေနိူင်ပြီး လိင်ဆက်ဆံမှုအတွက် အထောက်အကူ ဖြစ်စေနိုင်သည်။

ငရုပ်ကောင်း
ငရုပ်ကောင်းသည် ဦးနှောက်အာရုံကြောဆိုင်ရာ အဖွဲ့အစည်းကို လှုံဆော်ပေးနိူင်သည်။ လိင်ပိုင်းဆိုင်ရာအပေါ် စေ့ဆော်မှု ပေးနိူင်သည်။ ဆန္ဒအားနည်းသူများအတွက် သင့်တော်သည်။

ချင်း
ချင်းမှာ ဟင်းချက်ရာတွင် ထည့်သွင်းအသုံးပြုသော မီးဖိုချောင်ပစ္စည်း တစ်မျိုးဖြစ်သည်။ ချင်းသည် ဆေးဖက်ဝင် အပင်တစ်မျိုးဖြစ်သည်။ ချင်းသည် လိင်ပိုင်းဆိုင်ရာအပေါ် လှုံ့ဆော်မှုပေးနိူင်ပြီး အထွေ  ထွေကျန်းမာရေးကိုလည်း မြှင့်တင်ပေးနိူင်သည်။ လိင်အင်္ဂါများသို့ သွေးဝင်စီးဆင်းမှု ကောင်းစေသဖြင့် လိင်ပိုင်းဆိုင်ရာ စွမ်းဆောင်ရည်ကို ကောင်းမွန်စေနိူင်သည်။

ကြက်သွန်ဖြူ
ကြက်သွန်ဖြူမှာလည်း ချင်းကဲ့သို့ မီးဖိုချောင်ပစ္စည်းတစ်မျိုးပင် ဖြစ်သည်။ သွေးလွှတ်ကြောများအတွင်း အဆီပိတ်ဆို့မှုကို ကာကွယ်ပေးသည်။နှလုံးနှင့် သွေးလွတ်ကြောများ၏ ကျန်းမာရေးကိုပိုမိုကောင်းမွန်စေသည်။ လိင်အင်္ဂါသို့ သွေးဝင်စီးဆင်းမှုကို အားပေးနိူင်သဖြင့် လိင်ဆန္ဒဖြစ်ပေါ်မှု ဆန္ဒပြည့်ဝပြီးမြောက်မှုနှင့် ကျေနပ်မှုတို့ကို ရရှိစေနိူင်သည်။

လေးညှင်းပွင့်
လေးညှင်းပွင့်ကို မြန်မာတိုင်းရင်းဆေးများ ဖော်စပ်ရာတွင် အသုံးပြုလေ့ရှိသည်။ ကွမ်းနှစ်ခြိုက်သူများ ကွမ်းစားရာတွင် လေးညှင်းပွင့်ကို ထည့်လေ့ရှိသည်။ သွေးကြောများကို ကျယ်စေပြီး သွေးလှည့်   ပတ်စီးဆင်းမှုကို ကောင်းမွန်စေသည်။ လိင်ပိုင်းဆိုင်ရာ ကျန်းမာရေးအတွက် အထောက်အကူ ဖြစ်စေနိူင်သည်။

ငှက်ပျောသီး
ငှက်ပျောသီးတွင် ပါဝင်သော ဓာတုပစ္စည်းတစ်မျိုးမှာ ဦးနှောက်၏ လုပ်ငန်းကို ကောင်းမွန်စေပြီး၊ စိတ်ပိုင်းဆိုင်ရာ ကြည်လင်လန်းဆန်းမှုကို ဖြစ်စေနိူင်သည်ဟု ဆိုပါသည်။ မိမိကိုယ်မိမိ ယုံကြည်မှုအားကောင်းစေနိူင်သည်ဟုလည်း လက်ခံထားကြသည်။ ငှက်ပျောသီး စားသုံးခြင်းသည် လိင်ဆက်ဆံမှုအပေါ် အကျိုးရလဒ်ကောင်းများ ဖြစ်ထွန်းစေနိူင်သည်။

မုန်လာဥနီ
မုန်လာဥနီနှင့် ပတ်သက်၍ လေ့လာခဲ့ကြသော သုတေသနပညာရှင်တချို့က မုန်လာဥနီသည် လိင်ဆန္ဒလျော့နည်းမှုကို ပြန်လည်ကောင်းမွန်စေနိူင်သည်ဟု ဆိုပါသည်။ လိင်ဆန္ဒကို ပိုမို အားကောင်း  စေနိူင်သည်။

ပုစွန်ဆိတ်
ပုစွန်ဆိတ်တွင် အိုင်အိုဒင်းဓာတ် ကြွယ်ဝစွာပါသဖြင့် သိုင်းရွိုဒ်ဟော်မုန်းတည်ဆောက်မှုကို အားပေးနိူင်သည်။ ခန္ဓာကိုယ်စွမ်းအင်ရရှိမှု အားကောင်းစေနိူင်သည်။ လိင်ပိုင်းဆိုင်ရာ စွမ်းဆောင်ရည်ကို  လည်း မြင့်မားစေနိူင်ကြောင်း တွေ့ရသည်။

ခရမ်းချဉ်သီး
ခရမ်းချဉ်သီးကို “ ချစ်စရာပန်းသီး ” ဟု တင်စားခေါ်ဆိုကြသည်။ လိင်ဆန္ဒဖြစ်ပေါ်မှုကို အားကူပေးနိူင်သည်။ ဆန္ဒအားနည်းသူများ ခရမ်းချဉ်သီး စားသုံးသင့်သည်။ လိင်ဆန္ဒဖြစ်ပေါ်မှုနှင့် ဆောင်စွမ်းမှုတို့ကို ခရမ်းချဉ်သီး စားသုံးခြင်းဖြင့် တိုးတက်ကောင်းမွန်လာစေနိူင်သည်။

ကညွတ်
ကညွတ်စားသုံးခြင်းသည် ခန္ဓာကိုယ်၌ ဟော်မုန်း တည်ဆောက်ထုတ်လုပ်မှု အားကောင်းစေပြီး စွမ်းအင်ရရှိမှုလည်း မြင့်မားစေနိုင်သည်။ ကညွတ်တွင် ပိုတက်စီယမ်၊ ဖော့စဖရပ်ကယ်စီယမ်နှင့် ဗီတာမင် “ အီး ” တို့ ကြွယ်ဝစွာ ပါဝင်သည်။ လိင်ပိုင်းဆိုင်ရာ အားနည်းသူများ ကညွတ် စားသုံးသင့်သည်။ ကညွတ်သည် လူအများနှစ်သက်သော အစားအစာတစ်မျိုးဖြစ်ပြီး စားသုံးသူအား ဆွဲဆောင်အား ရှိသည်ဟု ဆိုသည်။

ပန်းသီး
ပန်းသီးကို ကျန်းမာရေးအတွက် အထူးကောင်းမွန်သော အစားအစာတစ်ခုအဖြစ် ရှေးအစဉ်အဆက် လက်ခံထားခဲ့ကြပြီး ဖြစ်သည်။ ပန်းသီးတစ်လုံး နေ့စဉ်စားသုံးပါက ဆရာဝန်ကို ဘေးဖယ်ထားနိူင်သည်ဟုပင် အဆိုရှိသည်။ ပန်းသီးသည် အထွေထွေကျန်းမာရေးကိုသာမက လိင်ဆက်ဆံမှုအတွက်လည်း အားဖြစ်စေသော အစားအစာဖြစ်သည်။

သံလွင်ပင်
သံလွင်ပင်နှင့် ပတ်သက်၍ လေ့လာသူများက အမျိုးသမီးများတွင် လိင်ပိုင်းဆိုင်ရာ ကျန်းမာရေးကို အထူးကောင်းမွန်စေသည်ဟု ဆိုသည်။

ချောကလက်
ချောကလက်တွင် ကဖင်းဓာတ် ကြွယ်ဝစွာ ပါဝင်သည်။ အမြင်အာရုံစွမ်းအားကို ထက်မြက်ကောင်းမွန်စေသည်။ လိင်ဆန္ဒအားကိုလည်း ကောင်းမွန်စေနိူင်သည်။
အစားအစာများ စားသုံးရာတွင် သွေး၌ ကိုလက်စထရောဓာတ်များခြင်းကြောင့် သွှေးလွတ်ကြောများတွင် အဆီခဲပိတ်ဆို့မှု ဖြစ်နိူင်သည်။ လိင်အင်္ဂါများသို့ သွေးဝင်စီးဆင်းမှု ညံ့ဖျင်းစေနိူင်သည်။ အမျိုးသားများတွင် ပန်းသေ၊ ပန်းညှိုး၊ ပန်းကြာရှည်မလန်းခြင်းကို ဖြစ်စေသည်။ အမျိုးသမီးနှင့် အမျိုးသားအားလုံးတွင် လိင်ဆန္ဒဖြစ်ပေါ်မှု ဆန္ဒပြည့်ဝမှုတို့အတွက် အဟန့်အတားဖြစ်စေသည်။ ထို့ကြောင့်  လိင်ဆန္ဒအားနည်းသူများ၊ ဥများ၏ အနှစ်များ၊ မလိုင်၊ ထောပတ်၊ အသားနီများ၊ စားအုန်းဆီနှင့် အုန်းသီးအဆံတို့ စားသုံးခြင်းမှ ရှောင်ကြဉ်ရပါမည်။ အစားအစာတွင် အသီးအနှံ၊ ဟင်းသီးဟင်းရွက်များ လုံလောက်စွာ ပါရှိသင့်သည်။

Author: ဒေါက်တာအေးကျော်(ဇီဝကမ္မဗေဒ)

မူရင်းရေးသားသူများနှင့် ပို့စ်တင်သူများအား လေးစားစွာ Credit ပေးပါသည်။